मलंगवा आँख अस्पताल परिसरमा जनचेतनामूलक सूचना बोर्ड राखियो

सर्लाही । मलंगवास्थित आँख अस्पताल परिसरलाई व्यवस्थित र शान्त राख्ने उद्देश्यले अस्पताल प्रशासनले जनचेतनामूलक सूचना बोर्ड राखेको छ। अस्पताल परिसरभित्र थुक्ने, धूम्रपान गर्ने, गुट्खा तथा सुर्तीजन्य पदार्थ सेवन गर्ने कार्य निषेध गरिएको सूचनामा उल्लेख गरिएको छ।
सूचना उल्लङ्घन गर्ने व्यक्तिलाई रु २०० जरिवाना गरिने पनि बोर्डमा स्पष्ट गरिएको छ। यस कदमले अस्पतालको वातावरण स्वच्छ राख्न, बिरामी तथा सेवाग्राहीलाई सुरक्षित उपचार वातावरण उपलब्ध गराउन सहयोग पुग्ने अस्पताल प्रशासनको विश्वास छ।
स्थानीयवासी तथा सेवाग्राहीहरूले अस्पतालको यो पहललाई सकारात्मक रूपमा लिँदै नियमको पालना गर्न सबैमा आग्रह गरेका छन्।