सर्लाहीमा १२ किलो ८२८ ग्राम गाँजासहित तीन जना पक्राउ
- तीन जना मलंगवा, सर्लाही ।
- जिल्ला प्रहरी कार्यालय सर्लाहीले लागूऔषध गाँजासहित तीन जनालाई पक्राउ गरेको छ।
तीन जना
मलंगवा, सर्लाही । जिल्ला प्रहरी कार्यालय सर्लाहीले लागूऔषध गाँजासहित तीन जनालाई पक्राउ गरेको छ।तीन जना
मिति २०८३ साल साउन २६ गते इलाका प्रहरी कार्यालय लालबन्दी र प्रहरी चौकी पत्थरकोटबाट खटिएको संयुक्त गस्ती टोलीले लालबन्दी नगरपालिका–१२ जियाजोरस्थित सार्वजनिक सडकमा शंकास्पद रूपमा जाँच गर्ने क्रममा उनीहरूलाई पक्राउ गरेको हो।
प्रहरीका अनुसार पक्राउ पर्नेमा हरिवन नगरपालिका–२ निवासी ४८ वर्षीय सानु न्यौपाने दमाई, उनकी ३५ वर्षीया श्रीमती सविना परिवार तथा लालबन्दी नगरपालिका–१४ निवासी ४६ वर्षीया ज्ञानमाया रहेका छन्।
उनीहरूको साथमा रहेको जेब्रा झोलाभित्र लुकाइछिपाइ ल्याउँदै गरेको ३ वटा पोकाबाट १२ किलो ८२८ ग्राम लागूऔषध गाँजा बरामद भएको जिल्ला प्रहरी कार्यालय सर्लाहीले जनाएको छ।
पक्राउ परेका तीनै जनालाई लागूऔषध मुद्दामा ७ दिनको म्याद थप गरी इलाका प्रहरी कार्यालय लालबन्दीबाट थप अनुसन्धान भइरहेको प्रहरीले जनाएको छ।
प्रतिक्रिया
यो पनि पढौँ
यो पनि पढौँ
