हिन्दू सम्राट सेना नेपालको आह्वानमा सर्लाही बन्दको आं

आंशिक प्रभाव, मलंगवामा सुरक्षा व्यवस्था काड

मलंगवा, सर्लाही | हिन्दू सम्राट सेना नेपालद्वारा आह्वान गरिएको सर्लाही बन्दको प्रभाव शुक्रबार बिहान सदरमुकाम मलंगवामा आंशिक रूपमा देखिएको छ।

बिहानदेखि नै केही पसल तथा व्यापारिक प्रतिष्ठान बन्द रहे पनि अत्यावश्यक सेवाहरू, सर्वसाधारणको आवतजावत तथा सवारीसाधन सञ्चालन भने आंशिक रूपमा सुचारु रहेको छ। बजार क्षेत्र अधिकांश स्थानमा सामान्य देखिए पनि केही ठाउँमा बन्दको प्रभाव परेको स्थानीयवासीहरूले बताएका छन्।

बन्दका कारण कुनै अप्रिय घटना हुन नदिन जिल्ला प्रहरी कार्यालय सर्लाहीले सुरक्षा व्यवस्था कडा पारिएको जनाएको छ। प्रमुख बजार, चोक तथा संवेदनशील क्षेत्रमा नेपाल प्रहरी र सशस्त्र प्रहरीको परिचालन गरिएको छ।

हालसम्म जिल्लाबाट कुनै अप्रिय घटनाको सूचना प्राप्त नभएको प्रहरीले जनाएको छ।