इरानका दिवंगत सर्वोच्च नेता अयातोल्लाह अली खामेनीको अन्तिम श्रद्धाञ्जली यात्रा कहिले हुँदैछ ?

काठमाडौं। इरानी सञ्चारमाध्यमहरूले आयातोल्लाह अली खामेनीको अन्तिम श्रद्धाञ्जली यात्रा यही जुन महिनाभित्र हुन सक्ने बताएका छन्। उनीहरूले आयोजकहरूलाई उद्धृत गर्दै उक्त जानकारी दिएका हुन्।

इरानी सञ्चारमाध्यमका अनुसार आयोजकहरूले इस्लामिक पात्रोको पहिलो महिनाको १०औँ दिनपछि अन्तिम यात्रा गरिने बताएका छन्, जसअनुसार जुन २५ वा २६ मा हुने अपेक्षा गरिएको छ।

यसअघि पनि इरानी सञ्चारमाध्यमहरूले अन्तिम श्रद्धाञ्जली यात्रा तेहरान, कोम हुँदै उत्तर–पूर्वी क्षेत्रमा रहेको मशहदमा पुग्ने जानकारी दिएका थिए। मशहद खामेनीको जन्मस्थल हो र उनको शव त्यहीँ दफन गरिने बताइएको छ।

युद्धका कारण उत्पन्न सुरक्षा चिन्ताका कारण खामेनेईको अन्तिम संस्कार कार्यक्रम पटक–पटक स्थगित हुँदै आएको छ।

अली खामेनीको मृत्यु फेब्रुअरी २८ मा इजरायल र अमेरिकाले गरेको आक्रमणमा भएको बताइएको छ।

त्यसपछि मार्च महिनाको सुरुआतमै उनका छोरा मोज्तबा खामेनीलाई नयाँ सर्वोच्च नेता (सुप्रिम लिडर) नियुक्त गरिएको थियो।