ओलीको रिहाइ माग्दै एमालेको चेतावनी— ‘कानुन, सडक र सदनबाट प्रतिवाद गर्छौं’
- POWER OF MADHESH | १४ चैत्र काठमाडौँ ।
- नेपाल कम्युनिष्ट पार्टी (एमाले) ले पूर्व प्रधानमन्त्री तथा पार्टी अध्यक्ष केपी शर्मा ओली लाई तत्काल रिहा गर्न माग गरेको छ।
POWER OF MADHESH | १४ चैत्र
काठमाडौँ । नेपाल कम्युनिष्ट पार्टी (एमाले) ले पूर्व प्रधानमन्त्री तथा पार्टी अध्यक्ष केपी शर्मा ओली लाई तत्काल रिहा गर्न माग गरेको छ। पार्टीले ओली र तत्कालीन गृहमन्त्री रमेश लेखक को पक्राउलाई राजनीतिक प्रतिशोधको संज्ञा दिएको छ।
पार्टीका वरिष्ठ उपाध्यक्ष राम बहादुर थापा (बादल)को अध्यक्षतामा च्यासलस्थित पार्टी मुख्यालयमा बसेको सचिवालय बैठकले ओलीको गिरफ्तारीविरुद्ध कानुनी, सडक र सदनबाट प्रतिवाद गर्ने निर्णय गरेको हो।
बैठकले भदौ २३–२४ का घटनाको निष्पक्ष र न्यायिक छानबिनका लागि सर्वोच्च अदालत का बहालवाला न्यायाधीशको अध्यक्षतामा उच्चस्तरीय छानबिन आयोग गठन गर्न माग गरेको छ।
बैठकपछि महासचिव शंकर पोखरेल ले आम जनसमुदाय र नागरिक समाजसँग सहकार्य गर्दै कानुनी तथा राजनीतिक रूपमा सशक्त प्रतिवाद गर्ने निर्णय भएको जानकारी दिनुभयो।
उहाँका अनुसार भोलिदेखि पार्टी र आजदेखि जनवर्गीय संगठनहरूले विरोध कार्यक्रम सुरु गर्नेछन्। साथै, चैत्र १५ गते जिल्ला पार्टी कमिटीको आयोजनामा देशभर प्रमुख जिल्ला अधिकारी कार्यालयमा विरोधपत्र बुझाउने निर्णय पनि गरिएको छ।
सबै राजनीतिक दलसँग संवाद र सहकार्य गर्ने तथा नागरिक समाजसँग समन्वय गर्न पार्टीले विभिन्न नेताहरूलाई जिम्मेवारी तोकेको पनि जनाइएको छ।
यसैबीच, एमालेनिकट युवा संघले अध्यक्ष ओलीको पक्राउको विरोधमा आज अपराह्न ३ बजे माइतीघर मण्डला मा जनसंगठनहरूको तर्फबाट विरोध प्रदर्शन गर्ने जनाएको छ।
प्रतिक्रिया
यो पनि पढौँ
यो पनि पढौँ
