पर्साका प्रदेश सांसद रहबर अन्सारीद्वारा माओवादी परित्याग
- पुस २४ ।
- नेकपा (माओवादी केन्द्र) का नेता तथा मधेस प्रदेश सांसद रहबर अन्सारीले पार्टी परित्याग गरेका छन्।
पुस २४ । नेकपा (माओवादी केन्द्र) का नेता तथा मधेस प्रदेश सांसद रहबर अन्सारीले पार्टी परित्याग गरेका छन्। पर्सा क्षेत्र नम्बर १ (क) बाट निर्वाचित अन्सारीले बिहीबार पार्टी अध्यक्ष पुष्पकमल दाहाल ‘प्रचण्ड’ लाई सम्बोधन गर्दै राजीनामा पत्र बुझाएका हुन्।
राजीनामा पत्रमा अन्सारीले पार्टीले आफ्नो मूल सिद्धान्त र मूल्य गुमाइसकेको आरोप लगाएका छन्। उनले लेखेका छन्, “साहस, इमान र जोखिम—यी तीनै कुरा पार्टीले त्यागिसकेको छ। यस्तो विरोधाभासको हिस्सा बन्न म सक्दिनँ।”
पत्रमा उनले आफू पार्टी सदस्यताबाट अलग हुने निर्णय समाजवादी क्रान्तिप्रतिको प्रतिबद्धताकै आधारमा लिएको उल्लेख गर्दै “समाजवादी क्रान्ति जिन्दावाद” भन्दै विदा लिएको बताएका छन्।
अन्सारीले अध्यक्ष प्रचण्डले केही दिनअघि नेकपा एकता सन्देशसभामा गाएको ‘इन्कलाब’ गीतका हरफहरू उद्धृत गर्दै आफ्नो असन्तुष्टि र वैचारिक मतभेद स्पष्ट पारेका छन्।
उनको राजीनामासँगै पर्सा जिल्लाको माओवादी राजनीतिक गतिविधिमा नयाँ तरंग पैदा भएको छ।
प्रतिक्रिया
यो पनि पढौँ
यो पनि पढौँ
