काठमाडौं–तराई द्रुतमार्गको स्थलगत अनुगमनमा प्रधानमन्त्री कार्की

काठमाडौं । प्रधानमन्त्री सुशीला कार्कीले राष्ट्रिय गौरवको आयोजनाका रूपमा रहेको काठमाडौं–तराई द्रुतमार्गको स्थलगत निरीक्षण गरेकी छन्। मंगलबार बिहान प्रधानमन्त्री कार्की द्रुतमार्ग क्षेत्र पुगेर निर्माण कार्यको प्रत्यक्ष अवलोकनमा सहभागी भएकी हुन्।

निरीक्षणका क्रममा प्रधानमन्त्रीसँग परराष्ट्रमन्त्री बालनन्द शर्मा पनि उपस्थित थिए। टोलीले आयोजनाको हालसम्मको प्रगति, निर्माण गुणस्तर तथा तोकिएको समयसीमा भित्र काम सम्पन्न हुने अवस्थाबारे सम्बन्धित निकायसँग जानकारी लिएको जनाइएको छ।

सरकारले काठमाडौं–तराई द्रुतमार्गलाई देशको आर्थिक र भौतिक विकाससँग जोडिएको रणनीतिक आयोजना मानेर प्राथमिकताका साथ अघि बढाइरहेको छ। प्रधानमन्त्री कार्कीले निर्माण कार्यमा कुनै पनि प्रकारको लापरबाही स्वीकार्य नहुने संकेत गर्दै समयमै गुणस्तरीय काम सम्पन्न गर्न निर्देशन दिएको स्रोतको भनाइ छ।

द्रुतमार्ग सम्पन्न भएपछि काठमाडौं र तराईबीचको यात्रा समय उल्लेख्य रूपमा घट्ने अपेक्षा गरिएको छ।