हिन्दू राष्ट्रका पक्षमा हलो चिन्हमा मतदान गर्न Gen-Z अभियन्ता वेद प्रकाश झा को आह्वान

सर्लाही ।हिन्दू राष्ट्रको मुद्दालाई केन्द्रमा राख्दै Gen-Z अभियन्ता वेद प्रकाश झाले हलो चिन्हमा मतदान गर्न मतदातासमक्ष आह्वान गरेका छन्। उनले धर्म, परम्परा र सांस्कृतिक पहिचानको संरक्षणका लागि स्पष्ट राजनीतिक निर्णय आवश्यक रहेको बताएका छन्।

झाले हिन्दू राष्ट्रको अवधारणा कमजोर बनाइएको आरोप लगाउँदै नेपाल कम्युनिष्ट पार्टी (एमाले), नेपाली कांग्रेस तथा अन्य कम्युनिष्ट दलहरूप्रति असन्तुष्टि व्यक्त गरेका छन्। साथै राष्ट्रिय स्वतन्त्र पार्टी ले हिन्दू राष्ट्र समर्थक धारणा राख्नेहरूलाई स्थान नदिएको आरोपसमेत उनले लगाएका छन्।
उनका अनुसार धर्म र राष्ट्रको संरक्षणका लागि हलो चुनाव चिन्ह बोकेको राष्ट्रिय प्रजातन्त्र पार्टी नै उपयुक्त विकल्प भएको दाबी गरिएको छ। सर्लाहीमा सार्वजनिक गरिएको उक्त आह्वानले चुनावी माहोललाई थप तातेको बताइएको छ।