हिन्दु देवी–देवता तथा महिलामाथि अपमानजनक शब्द प्रयोगको विरोधमा मलंगवामा प्रदर्शन
- सर्लाही, २२ पुस — हिन्दु देवी–देवतामाथि तथा हिन्दु महिलामाथि अपमानजनक शब्द प्रयोग गरिएको आरोप लगाउँदै हिन्दु सम्राट सेना सर्लाहीले मलंगवामा विरोध प्रदर्शन गरेको छ।
- हिन्दु धर्म, संस्कृति र आस्थामाथि बारम्बार अपमानजनक अभिव्यक्ति दिइँदै आएको भन्दै त्यसप्रति गम्भीर ध्यानाकर्षण गराउन प्रदर्शन गरिएको हिन्दु सम्राट सेनाले जनाएको छ।
सर्लाही, २२ पुस — हिन्दु देवी–देवतामाथि तथा हिन्दु महिलामाथि अपमानजनक शब्द प्रयोग गरिएको आरोप लगाउँदै हिन्दु सम्राट सेना सर्लाहीले मलंगवामा विरोध प्रदर्शन गरेको छ।
हिन्दु धर्म, संस्कृति र आस्थामाथि बारम्बार अपमानजनक अभिव्यक्ति दिइँदै आएको भन्दै त्यसप्रति गम्भीर ध्यानाकर्षण गराउन प्रदर्शन गरिएको हिन्दु सम्राट सेनाले जनाएको छ। प्रदर्शनका क्रममा सहभागीहरूले वीरगञ्जमा ‘हिन्दु भगाऊ, देश बचाऊ’ जस्ता नारा लगाउने व्यक्तिहरूलाई तत्काल कारबाही गर्न माग गरेका थिए।
मलंगवामा आयोजित विरोध प्रदर्शनमा हिन्दु सम्राट सेनाका केन्द्रीय उपाध्यक्ष कृष्णा यादवसहित सर्लाही जिल्लाका हिन्दु सम्राट सेनासँग आवद्ध युवाहरूको उल्लेख्य सहभागिता रहेको थियो।
प्रदर्शनकारीहरूले हिन्दु देवी–देवतामाथि टीका–टिप्पणी तथा अपमानजनक अभिव्यक्ति दिने व्यक्तिलाई तत्काल पक्राउ गरी कानुनी कारबाही गर्न प्रशासनसँग माग गरेका छन्। साथै धनुषा जिल्लामा निर्दोष युवाहरूलाई पक्राउ गरिएको आरोप लगाउँदै उनीहरूलाई तत्काल रिहा गर्नुपर्ने मागसमेत गरिएको छ।
हिन्दु सम्राट सेना नेपाल सर्लाहीका संयोजक रामानन्द साहका अनुसार, धार्मिक सद्भाव र सामाजिक शान्ति कायम राख्न यस्ता गतिविधिमाथि राज्यले कडा कदम चाल्न आवश्यक रहेको प्रदर्शनमार्फत माग गरिएको हो।
प्रतिक्रिया
यो पनि पढौँ
यो पनि पढौँ
