सर्लाहीमा ३५ उम्मेदवारको जमानत जफत, रास्वपाका अमरेश सिंह विजयी

गोडैता, सर्लाही –

सर्लाहीको गोडैता क्षेत्रमा सम्पन्न निर्वाचनमा ३५ मध्ये अधिकांश उम्मेदवारको जमानत जफत भएको छ। यसमा नेपाली कम्युनिष्ट पार्टी (नेकपा) का रजनीश राय यादव, जनमत पार्टीका राकेश मिश्र, राष्ट्रिय प्रजातन्त्र पार्टी (राप्रपा) का प्रदीप झा, जनता समाजबादी पार्टी (जसपा) का रामेश्वर राय, प्रगतिशील लोकतान्त्रिक पार्टी (प्रलोपा) का राम चरित्र सहनीसहित स्वतन्त्र तथा विभिन्न दलका उम्मेदवारहरू पर्दछन्।

जित हाँसिल गर्ने उम्मेदवारहरूमा रास्ट्रिय स्वतन्त्र पार्टी (रास्वपा) का अमरेश कुमार सिंह रहेका छन्। उनले ३५,६८८ मत प्राप्त गर्दै विजयी भएको र जमानत सुरक्षित भएको छ। नेपाली कांग्रेसका सभापति एवं उम्मेदवार गगन थापाले २२,८३१ मत प्राप्त गरेका छन् र उनको पनि जमानत सुरक्षित छ। नेकपा एमालेका उम्मेदवार अमनिश कुमार यादवले ९,३४३ मत प्राप्त गरी आफ्नो जमानत सुरक्षित राखेका छन्।

निर्वाचन कानुनअनुसार, उम्मेदवारले आफ्नो क्षेत्रमा खसेको कुल सदर मतको १० प्रतिशत भन्दा कम मत पाएको खण्डमा धरौटी रकम जफत हुन्छ। गोडैता क्षेत्रमा कुल ७३,३६२ सदर मत परेकोमा करिब ७,३३६ मत प्राप्त नगरेका उम्मेदवारको जमानत जफत भएको छ।

उल्लेखनीय छ कि जमानत जफत हुने उम्मेदवारमध्ये राकेश मिश्रले १,५७२ मत, रजनीश राय यादवले १,४०१ मत प्राप्त गरेका छन्। अन्य उम्मेदवारहरूले ५०० मतसमेत नपाएको विवरण निर्वाचन अधिकारीहरूले बताएका छन्। जिल्लाका अन्य क्षेत्रहरूमा पनि धेरै उम्मेदवारको जमानत जफत भएको छ।