बरहथवामा महिला, बालबालिका तथा ज्येष्ठ नागरिक सेवा केन्द्र भवन उद्घाटन

सर्लाहीको बरहथवास्थित इलाका प्रहरी कार्यालय परिसरमा नव निर्मित महिला, बालबालिका तथा ज्येष्ठ नागरिक सेवा केन्द्र भवनको समुद्घाटन कार्यक्रम सम्पन्न भएको छ। कार्यक्रम विशेष समारोहका बीच आयोजना गरिएको थियो।

उद्घाटन कार्यक्रममा प्रमुख अतिथिका रूपमा प्रहरी महानिरीक्षक दान बहादुर कार्की उपस्थित रहनुभएको थियो। उहाँले नयाँ सेवा केन्द्र सञ्चालनमा आएपछि महिला, बालबालिका तथा ज्येष्ठ नागरिकलाई सेवा प्रदान गर्न अझ सहज र प्रभावकारी हुने बताउनुभयो।

उक्त कार्यक्रम इलाका प्रहरी कार्यालय बरहथवाको आयोजनामा सम्पन्न भएको हो। भवन निर्माण कार्यमा अन्तर्राष्ट्रिय सहयोगी निकायहरूको समेत सहकार्य रहेको जनाइएको छ।

कार्यक्रम २०८२ साल माघ २२ गते आयोजित गरिएको थियो।