जमिनमुनी गाडिएको मोटरसाइकल फेला, महोत्तरीमा रहस्यमय घटना

महोत्तरी जिल्ला मा जमिनमुनी गाडिएको अवस्थामा एउटा मोटरसाइकल फेला परेपछि क्षेत्रभरि चर्चा सुरु भएको छ।

जिल्ला प्रहरी कार्यालय महोत्तरीका अनुसार सोनमा गाउँपालिका–६ मगरथानामा जमिनमा पुरिएको अवस्थामा मोटरसाइकल भेटिएको हो। स्थानीयवासीले शंका लागेपछि जमिन खनेर हेर्दा मोटरसाइकल फेला परेको बताइएको छ।

प्रहरीका अनुसार फेला परेको मोटरसाइकल नेपाली नम्बर ज ८ प ९९७ रहेको Hero Super Splendor हो। हाल उक्त मोटरसाइकल प्रहरी चौकी मगरथानामा राखिएको छ।

यो घटनाले स्थानीयवासीमा चासो र जिज्ञासा बढाएको छ भने सामाजिक सञ्जालमा पनि व्यापक चर्चा भइरहेको छ। मोटरसाइकल कसले र किन जमिनमुनी गाडेको हो भन्ने विषयमा प्रहरीले थप अनुसन्धान सुरु गरेको जनाएको छ।