नवनिर्वाचित सांसदहरूको शपथ ग्रहण सम्पन्न
- काठमाडौं, बिहीबार — प्रतिनिधिसभाका जेष्ठ सदस्य अर्जुन नरसिंह केसी ले नवनिर्वाचित सांसदहरूलाई शपथ ग्रहण गराएका छन्।
- सिंहदरबारस्थित निर्माणाधीन संसद भवनमा आयोजित कार्यक्रममा सांसदहरूले औपचारिक रूपमा पद तथा गोपनीयताको शपथ लिएका हुन्।
काठमाडौं, बिहीबार — प्रतिनिधिसभाका जेष्ठ सदस्य अर्जुन नरसिंह केसी ले नवनिर्वाचित सांसदहरूलाई शपथ ग्रहण गराएका छन्। सिंहदरबारस्थित निर्माणाधीन संसद भवनमा आयोजित कार्यक्रममा सांसदहरूले औपचारिक रूपमा पद तथा गोपनीयताको शपथ लिएका हुन्।
नवनिर्मित संसद भवनको बहुउद्देश्यीय सभा हलमा सम्पन्न शपथ समारोहमा २१ फागुनमा सम्पन्न निर्वाचनबाट विजयी भएका सांसदहरूको उपस्थिति रहेको थियो। कार्यक्रममा सांसदहरूले आ–आफ्नो संस्कृति झल्किने परम्परागत पोशाकमा उपस्थित भई शपथ ग्रहण गरेका थिए, जसले कार्यक्रमलाई थप आकर्षक बनाएको थियो।
सभामुख चयन नभएसम्म प्रतिनिधिसभाको जेष्ठ सदस्यले नै सांसदहरूलाई शपथ खुवाउने कानुनी व्यवस्था अनुरूप केसीले उक्त जिम्मेवारी निर्वाह गरेका हुन्।
यसअघि, संघीय संसदका महासचिव पदमप्रसाद गौतम ले नवनिर्वाचित सांसदहरूलाई स्वागत गर्दै सफल कार्यकालको शुभकामना व्यक्त गरेका थिए।
शपथ ग्रहणसँगै नयाँ प्रतिनिधिसभाले औपचारिक रूपमा आफ्नो कार्य प्रारम्भ गरेको छ।
प्रतिक्रिया
यो पनि पढौँ
यो पनि पढौँ
