सर्लाही,०९ फागुन । यही फागुन २१ गते हुने प्रतिनिधिसभा सदस्य निर्वाचनलाई मध्यनजर गर्दै सर्लाहीमा फागुन १८ गतेदेखि २२ गतेसम्म मदिरा बिक्री–वितरण पूर्ण रूपमा बन्द गरिने भएको छ । प्रमुख जिल्ला अधिकारी रामुराज कडरियाले निर्वाचनलाई स्वच्छ, निष्पक्ष र शान्तिपूर्ण वातावरणमा सम्पन्न गर्न उक्त निर्णय गरिएको जानकारी दिनुभयो । कडरीयाका अनुसार निर्वाचन अवधिभर शान्ति–सुरक्षा कायम राख्न तथा कुनै पनि अप्रिय घटना हुन नदिन मदिरा बिक्रीमा रोक लगाइएको हो । जिल्ला प्रशासन कार्यालयले होटल तथा पर्यटन व्यवसायी सघं सर्लाही लगायत अन्य व्यवसायीलाई तोकिएको अवधिमा मदिरा बिक्री–वितरण नगर्न निर्देशन दिएको छ । आदेश उल्लंघन गर्ने जो–कोहीलाई प्रचलित कानुन बमोजिम कारबाही गरिने चेतावनी समेत प्रशासनले दिएको छ । निर्वाचन नजिकिँदै जाँदा जिल्लाभर सुरक्षा व्यवस्था कडा पारिएको प्रशासनले जनाएको छ
