सर्लाही प्रहरीलाई पाँच नयाँ सवारी साधन प्राप्त, शान्ति सुरक्षामा थप सहज हुने
- मलंगवा, — शान्ति सुरक्षा कायम गर्न चौबिसै घण्टा खटिँदै आएको प्रहरीलाई प्रायः सवारी साधनको अभाव खेप्नुपर्दै आएको अवस्थामा सर्लाही प्रहरीले पाँचवटा नयाँ सवारी साधन प्राप्त गरेको छ।
- भर्खरै सम्पन्न प्रतिनिधि सभा सदस्य निर्वाचनको मुखमा सर्लाही प्रहरीले उक्त सवारी साधन प्राप्त गरेको हो।
मलंगवा,
— शान्ति सुरक्षा कायम गर्न चौबिसै घण्टा खटिँदै आएको प्रहरीलाई प्रायः सवारी साधनको अभाव खेप्नुपर्दै आएको अवस्थामा सर्लाही प्रहरीले पाँचवटा नयाँ सवारी साधन प्राप्त गरेको छ।
भर्खरै सम्पन्न प्रतिनिधि सभा सदस्य निर्वाचनको मुखमा सर्लाही प्रहरीले उक्त सवारी साधन प्राप्त गरेको हो। प्राप्त सवारीमध्ये तीनवटा जिल्ला प्रहरी कार्यालय मलंगवाका लागि, एउटा इलाका प्रहरी कार्यालय लालबन्दीका लागि र अर्को इलाका प्रहरी कार्यालय हरकठवाका लागि उपलब्ध गराइएको हो।
जिल्ला प्रहरी कार्यालय सर्लाहीका लागि एउटा बोलेरो पिकअप, एउटा भ्यान र एउटा स्कारपियो पिकअप प्राप्त भएको छ। त्यस्तै इलाका प्रहरी कार्यालय लालबन्दी तथा इलाका प्रहरी कार्यालय बरहथवा मातहत रहेको ‘ख’ वर्गको इलाका प्रहरी कार्यालय हरकठवामा एक–एक वटा पिकअप उपलब्ध गराइएको जिल्ला प्रहरी कार्यालय सर्लाहीका प्रवक्ता तथा सूचना अधिकारी प्रहरी नायब उपरीक्षक सरोज राईले जानकारी दिए।
प्रहरीका अनुसार नयाँ सवारी साधन प्राप्त भएसँगै जिल्लामा हुने विभिन्न घटना तथा दुर्घटनामा तुरुन्तै पुग्न र नियमित गस्ती सञ्चालन गर्न थप सहज हुने अपेक्षा गरिएको छ।
प्रतिक्रिया
यो पनि पढौँ
यो पनि पढौँ
