राज्यको खर्चमा विदेश जाने होइन, भिसाको आवेदन पनि दिएको छैन : मन्त्री गुप्ता

पुस २४, २०८२ |

काठमाडौँ — मन्त्री गुप्ताले आफू राज्यको खर्चमा विदेश भ्रमणमा जाने कुनै तयारी नरहेको र हालसम्म भिसाको आवेदनसमेत नदिएको स्पष्ट पारेका छन्। पछिल्लो समय सामाजिक सञ्जाल तथा विभिन्न माध्यममा उठेका भ्रमपूर्ण समाचारप्रति प्रतिक्रिया दिँदै उनले यस्तो बताएका हुन्।

8

अन्तर्वार्तामा मन्त्री गुप्ताले भने, “म राज्यको खर्चमा जाने होइन, भिसाको आवेदन पनि दिएको छैन। अनावश्यक हल्ला फैलाइएको छ।” उनले आफ्नो भ्रमणलाई लिएर गलत सूचना फैलाइएको दाबी गर्दै यस्ता कुरामा सत्यता नरहेको स्पष्ट गरे।

राजीनामाको विषयमा सोधिएको प्रश्नमा मन्त्री गुप्ताले भने, “मैले राजीनामा किन दिने भन्ने कुरा हो। अहिले दिने भनेको छैन। दिनै परेपछि निर्णय गरौंला।” हाल सरकारको कामकारबाहीमा आफू सक्रिय रहेको र जिम्मेवारी पूरा गरिरहेको उनले बताए।

मन्त्री गुप्ताले सरकारको नीति तथा कार्यक्रम कार्यान्वयनमा केन्द्रित रहेको उल्लेख गर्दै व्यक्तिगत विषयलाई अनावश्यक रूपमा राजनीतिक रंग दिन नहुने धारणा राखे। उनले तथ्यहीन समाचारप्रति सजग रहन सञ्चारमाध्यम तथा सर्वसाधारणलाई आग्रहसमेत गरे।