राष्ट्रपति पौडेलद्वारा टुँडिखेलमा घोडेजात्रा २०८२ समारोह उद्घाटन

काठमाडौं, ४ चैत

– राष्ट्रपति रामचन्द्र पौडेल प्रथम महिला सबिता पौडेलसहित बुधबार टुँडिखेलमा आयोजित घोडेजात्रा २०८२ को अवसरमा समारोहमा सहभागी भएका छन्।

कार्यक्रमको क्रममा नेपाली सेनाले राष्ट्रपति पौडेलको सम्मानमा सलामी अर्पण गरेको थियो। राष्ट्रपति पौडेलले सेनाद्वारा प्रदर्शन गरिएको अश्व कला अवलोकन गरे भने घोडा दौड़, घोडा जम्प लगायत विभिन्न रोचक कला प्रदर्शनहरूमा उत्साहपूर्वक सहभागिता जनाए। उत्कृष्ट प्रदर्शन गर्ने व्यक्तिहरूलाई राष्ट्रपति पौडेलले पुरस्कारसमेत प्रदान गरे।

सो अवसरमा उपराष्ट्रपति रामसहायप्रसाद यादव, प्रधानमन्त्री सुशीला कार्की, राष्ट्रियसभाका अध्यक्ष नारायण दाहाल, मन्त्रिगण, नेपालस्थित कुटनीतिक नियोगका प्रमुख तथा उच्च पदस्थ अधिकारीहरूको पनि उपस्थिती थियो।

चैत्र कृष्ण औंसीको अवसरमा काठमाडौं उपत्यकामा परम्परागत रूपमा मनाइने घोडेजात्रा पर्व विविध सांस्कृतिक कार्यक्रमहरूसहित मनाइन्छ।