मलंगवा इन्जिनियर हत्या अपटेड;

मलङगवा सव – इन्जिनियरको हत्या प्रकरणमा एक पुरुषलाई भारतबाट पक्राउ गरि नेपाल ल्याइएको छ ।

फागन ३ गते सर्लाही सदरमुकाम मलङगवा स्थित रहेको पुर्वाधार विकास कार्यालयमा कार्यरत सव इन्जिनियर प्रमोद कुमार यादवको गोली हानी हत्या भएको थियो । हत्या प्रकरणमा संलग्न भएको आरोपमा प्रहरीले महोत्तरीको रामगोपालपुर नगरपालिकाका गणेश महतोलाई पक्राउ गरेको हो ।

उनलाई जिल्ला प्रहरी कार्यालय सर्लाहीको टोलीले भारतबाट पक्राउ गरी नेपाल ल्याएको छ । महतोले भारतीय सुटर प्रयोग गरी सव इन्जिनियरको हत्या गराएको प्रहरीको आशंका छ ।

पक्राउ परेका महतो मृतक यादवसँगैको लोकसेवाका वैकल्पिक उम्मेदवार रहेको र सरकारी जागिरका लागि मुख्य दाबेरदार हुने लोभमा उनको हत्या गराइएको हुनसक्ने प्रहरीको आशंका छ ।

पक्राउ परेका महतोमाथि अनुसन्धानका लागि अदालतबाट १५ दिनको म्याद लिएको प्रहरीले जनाएको छ ।