एकल अभियानअन्तर्गत गोडैता नगरपालिका–३ मा कार्यक्रम सम्पन्न
- सर्लाही ।
- एकल अभियानअन्तर्गत सर्लाहीको गोडैता नगरपालिका–३ मा आज एक विशेष कार्यक्रम सफलतापूर्वक सम्पन्न भएको छ।
सर्लाही ।
एकल अभियानअन्तर्गत सर्लाहीको गोडैता नगरपालिका–३ मा आज एक विशेष कार्यक्रम सफलतापूर्वक सम्पन्न भएको छ। स्थानीयको सहभागितामा आयोजित कार्यक्रममा सरस्वती माताको पूजाआराधना गरी शैक्षिक तथा सामाजिक चेतनामूलक गतिविधि सञ्चालन गरिएको थियो।
कार्यक्रममा स्थानीय अगुवा, समाजसेवी, बुद्धिजीवी तथा बालबालिकाको उल्लेखनीय उपस्थिति रहेको थियो। अभियानअन्तर्गत विद्यालयस्तरका बालबालिकालाई कापी, किताब तथा शैक्षिक सामग्री वितरण गरिएको थियो। सहभागीहरूले यस्तो कार्यक्रमले ग्रामीण क्षेत्रमा शिक्षा प्रतिको चासो बढ्ने विश्वास व्यक्त गरे।
कार्यक्रमका वक्ताहरूले एकल अभियानको उद्देश्य शिक्षा, संस्कार र सामाजिक एकताको प्रवर्द्धन गर्नु रहेको उल्लेख गर्दै आगामी दिनमा यस्ता कार्यक्रमलाई निरन्तरता दिइने बताएका छन्।
स्थानीयवासीहरूले अभियानको प्रशंसा गर्दै गोडैता नगरपालिका–३ मा यस किसिमको कार्यक्रम पहिलोपटक भएको र यसले बालबालिकामा सकारात्मक प्रभाव पार्ने प्रतिक्रिया दिएका छन्।
प्रतिक्रिया
यो पनि पढौँ
