एसइई २०८१ : ५ लाख १० हजार विद्यार्थी सहभागी हुने
- २७ फागुन, काठमाडौं ।
- आगामी चैत ७ गतेदेखि सुरु हुने २०८१ सालको माध्यमिक शिक्षा परीक्षा (एसइई) मा नियमित र आंशिक गरी करिब ५ लाख १० हजार विद्यार्थी सहभागी हुने भएका छन्।
२७ फागुन, काठमाडौं ।
आगामी चैत ७ गतेदेखि सुरु हुने २०८१ सालको माध्यमिक शिक्षा परीक्षा (एसइई) मा नियमित र आंशिक गरी करिब ५ लाख १० हजार विद्यार्थी सहभागी हुने भएका छन्। राष्ट्रिय परीक्षा बोर्ड ले परीक्षा फाराम भरेका विद्यार्थीको आधारमा यस वर्ष उक्त संख्यामा परीक्षार्थी सहभागी हुने जनाएको हो।
बोर्डका अनुसार फाराम भरेका सबै विद्यार्थी अनिवार्य रूपमा परीक्षामा सहभागी नहुन सक्ने उल्लेख गरिएको छ।
चैत ७ देखि १९ गतेसम्म सञ्चालन हुने एसइई परीक्षाका लागि आवश्यक सबै तयारी पूरा भइसकेको बोर्डले जनाएको छ। सबै जिल्लामा उत्तरपुस्तिका र प्रश्नपत्र पुगिसकेको तथा अनिवार्य विषयका लागि प्रदेशअनुसार फरक–फरक प्रश्नपत्र तयार गरिएको जानकारी दिइएको छ।
ऐच्छिक विषयतर्फ विद्यार्थी संख्याका आधारमा केही विषयमा दुई प्रकारका र केहीमा एकै प्रकारका प्रश्नपत्र छापिएको बोर्डले जनाएको छ।
यस वर्ष जापानबाट समेत २९ जना परीक्षार्थी एसइईमा सहभागी हुने भएका छन्, जसले परीक्षाको अन्तर्राष्ट्रिय सहभागितालाई समेत संकेत गरेको छ।
प्रतिक्रिया
यो पनि पढौँ
