काठमाडौँका अधिकांश क्षेत्रमा राष्ट्रिय स्वतन्त्र पार्टीका उम्मेदवार अग्रस्थानमा
- काठमाडौँ ।
- प्रतिनिधिसभा सदस्य निर्वाचनअन्तर्गत मतगणना जारी रहेको काठमाडौँका अधिकांश निर्वाचन क्षेत्रमा राष्ट्रिय स्वतन्त्र पार्टी (रास्वपा) का उम्मेदवारहरूले अग्रता कायम गरिरहेका छन्।
काठमाडौँ ।
प्रतिनिधिसभा सदस्य निर्वाचनअन्तर्गत मतगणना जारी रहेको काठमाडौँका अधिकांश निर्वाचन क्षेत्रमा राष्ट्रिय स्वतन्त्र पार्टी (रास्वपा) का उम्मेदवारहरूले अग्रता कायम गरिरहेका छन्।
काठमाडौँ क्षेत्र नम्बर १ मा भने रास्वपाकै रञ्जु न्यौपाने १५ हजार ४५५ मत प्राप्त गर्दै विजयी भइसकेकी छन्।
दिउँसो १ बजेसम्मको मत परिणामअनुसार काठमाडौँ–२ मा रास्वपाका सुनिल केसी ५ हजार ८९७ मतसहित अग्रस्थानमा छन्। उनका प्रतिस्पर्धी नेपाली कांग्रेस का कविर शर्मा ले २ हजार २०६ र राष्ट्रिय प्रजातन्त्र पार्टी की कुन्तिदेवी पोखरेल ले १ हजार ४६९ मत प्राप्त गरेकी छन्।
काठमाडौँ–३ मा रास्वपाका राजुनाथ पाण्डे ६ हजार ५८४ मतसहित अग्रस्थानमा छन्। उनका प्रतिस्पर्धी कुलमान घिसिङ ले ४ हजार २२० र कांग्रेसका रमेश अर्याल ले २ हजार १९० मत प्राप्त गरेका छन्।
त्यसैगरी काठमाडौँ–४ मा रास्वपाका पुकार बम ६ हजार २८४ मतसहित अगाडि छन्। उनका प्रतिस्पर्धी कांग्रेसका सचिन तिमिल्सिना ले १ हजार ९०७ र नेपाल कम्युनिस्ट पार्टी (एमाले) का राजन भट्टराई ले १ हजार ४७९ मत पाएका छन्।
काठमाडौँ–५ मा रास्वपाका सस्मित पोखरेल ११ हजार ४३३ मतसहित अग्रस्थानमा छन्। उनका प्रतिस्पर्धी कांग्रेसका प्रदीप पौडेल ले ३ हजार ५५६ र एमालेका ईश्वर पोखरेल ले १ हजार ९०८ मत ल्याएका छन्।
काठमाडौँ–६ मा रास्वपाका शिशिर खनाल १० हजार ६१५ मतसहित अगाडि छन्। उनका प्रतिस्पर्धी कांग्रेसका सवुज कृष्ण बानियाँ क्षेत्री ले २ हजार ७७५ र एमालेका अमनकुमार मास्के ले १ हजार ६१२ मत प्राप्त गरेका छन्।
काठमाडौँ–७ मा रास्वपाका गणेश पराजुली १० हजार २७३ मतसहित अग्रता कायम गरिरहेका छन्। सो क्षेत्रमा एमालेका प्रकाश श्रेष्ठ ले १ हजार ६७२ र नेपाल कम्युनिस्ट पार्टी का वसन्तप्रसाद मानन्धर ले १ हजार ३८९ मत ल्याएका छन्।
काठमाडौँ–८ मा रास्वपाका विराजभक्त श्रेष्ठ १४ हजार ७५१ मतसहित अगाडि छन्। उनका प्रतिस्पर्धी नेपाल कम्युनिस्ट पार्टीका सुमन सायमी ले १ हजार ९९५ र कांग्रेसकी सपना राजभण्डारी ले १ हजार ६४५ मत प्राप्त गरेकी छन्।
काठमाडौँ–९ मा रास्वपाका डोलप्रसाद अर्याल ५ हजार ५५९ मतसहित अग्रस्थानमा छन्। उनका प्रतिस्पर्धी कांग्रेसकी नानुमैयाँ बास्तोला ले १ हजार ११६ र एमालेका अजयक्रान्ति शाक्य ले ९७० मत ल्याएका छन्।
त्यसैगरी काठमाडौँ–१० मा रास्वपाका प्रदीप विष्ट ८ हजार ५०८ मतसहित अग्रता कायम गरिरहेका छन्। उनका प्रतिस्पर्धी कांग्रेसका हिमाल कार्की ले २ हजार ५६ र एमालेका विनोद श्रेष्ठ ले १ हजार २२१ मत प्राप्त गरेका छन्।
प्रतिक्रिया
यो पनि पढौँ
यो पनि पढौँ
