सर्लाही क्षेत्र नं. ४ बाट  हिंदुवादी क्रांतिकारी यूवती सन्तोषी कंडेल सनातनी समानुपातिक उम्मेदवार

सर्लाही ।

नेपालका लागि नेपाली, नेपाली पार्टीले प्रतिनिधिसभा निर्वाचनका लागि सर्लाही क्षेत्र नं. ४ बाट समानुपातिक तर्फ सन्तोषी कंडेल सनातनी लाई उम्मेदवार घोषणा गरेको छ। पार्टीले उनलाई राष्ट्र, धर्म, संस्कृति र सामाजिक एकताको पक्षमा स्पष्ट धारणा राख्ने प्रतिबद्ध नेतृत्वका रूपमा अघि सारेको जनाएको छ।

पार्टीका अनुसार सर्लाही क्षेत्र नं. ४ मा संगठन विस्तार, जनसम्पर्क सुदृढीकरण तथा वैचारिक अभियानलाई तीव्र बनाउने उद्देश्यले कंडेललाई जिम्मेवारी दिइएको हो। स्थानीय स्तरमा महिला सहभागिता, युवाको रोजगारी, कृषि विकास र शिक्षा–स्वास्थ्य सुधारका मुद्दा प्राथमिकतामा रहने बताइएको छ।

उम्मेदवार कंडेलले क्षेत्रका जनताको विश्वास जित्दै समावेशी विकास, सुशासन र राष्ट्रिय स्वाभिमानका मुद्दालाई संसदसम्म पुर्‍याउने प्रतिबद्धता व्यक्त गरेकी छन्। उनले सर्लाही क्षेत्र नं. ४ लाई आर्थिक, सामाजिक र सांस्कृतिक रूपमा सशक्त बनाउने आफ्नो लक्ष्य रहेको बताइन्।

पार्टीले आगामी दिनमा घरदैलो, कोणसभा तथा जनभेटघाट कार्यक्रममार्फत चुनावी अभियानलाई तीव्र बनाउने तयारी गरेको जनाएको छ।