देशभर चुनाव आयो, देउवा निवासमा आएन

देउवाले न थापा नेतृत्वको नयाँ कार्यसमितिलाई बधाई दिए न त चुनावी मैदानमा रहेका कांग्रेस उम्मेदवारलाई नै, अदालतमा रहेको मुद्दा देखाएर निकटस्थहरूलाई कांग्रेसभित्रको अन्योल चाँडै हट्ने बताइरहेका छन्

राजनीति

देशभर चुनाव आयो, देउवा निवासमा आएन

देउवाले न थापा नेतृत्वको नयाँ कार्यसमितिलाई बधाई दिए न त चुनावी मैदानमा रहेका कांग्रेस उम्मेदवारलाई नै, अदालतमा रहेको मुद्दा देखाएर निकटस्थहरूलाई कांग्रेसभित्रको अन्योल चाँडै हट्ने बताइरहेका छन्

माघ १८, २०८२कुलचन्द्र न्यौपाने

देशभर चुनाव आयो, देउवा निवासमा आएन

काठमाडौँ —५ पटक प्रधानमन्त्री र २ पटक कांग्रेस सभापति भएका नेता शेरबहादुर देउवाले शुक्रबार सहिद दिवसमा सार्वजनिक शुभकामना सन्देश जारी गरेनन् । उनले पछिल्लो पटक ५ माघमा सभापतिकै हैसियतमा सोनाम ल्होसारको शुभकामना दिएका थिए ।

जतिबेला, विशेष महाधिवेशनबाट गगन थापा पार्टी सभापति भइसकेका थिए र उनको नेतृत्वको केन्द्रीय कार्यसमितिलाई २ माघमा निर्वाचन आयोगले अद्यावधिक गरेर मान्यतासमेत दिइसकेको थियो ।

सभापति छाड्नुपरेयता ल्होसारको शुभकामनाबाहेक देउवाले सार्वजनिक रूपमा कहीँकतै केही बोलेका छैनन् । पुरानो संस्थापन पक्षको असहमतिका बीच २७–३० पुसमा भएको विशेष महाधिवेशनले देउवा नेतृत्वको केन्द्रीय कार्यसमिति भंग गरी थापा नेतृत्वमा १३४ सदस्यीय कार्यसमिति चयन गरेदेखि नै देउवा पूर्णरूपमा वर्तमान नेतृत्वसँग अलग छन् ।

फेसबुक र ‘एक्स’ को एकाउन्टमा देउवाले सभापतिको हैसियत मेटाएका पनि छैनन्

पार्टीभित्रको विद्रोहले सत्ता र शक्ति एकाएक गुमाउनुपर्दाको पीडा देउवाले भुल्न नसकिरहेको उनलाई भेटिरहने निकटस्थ नेताहरूले बताएका छन् । थापा सभापति भएको देउवाले सार्वजनिक रूपमा अझै स्वीकार गरिसकेका छैनन् । सभापति चयन भएपछि अहिलेसम्म थापालाई बधाईसमेत दिएका छैनन् । फेसबुक र ‘एक्स’ को एकाउन्टमा देउवाले सभापतिको हैसियत मेटाएका पनि छैनन्