राजनीतिक कार्यक्रममा सरकारी सवारी साधन प्रयोग नगर्न जिल्ला प्रशासनको कडाइ

पावर अफ मधेश

मंगलबार, माघ ६, २०८२

84 Views

समाचार सारांश

सर्लाही ।
आगामी प्रतिनिधिसभा सदस्य निर्वाचनको प्रक्रिया चरणबद्ध रूपमा अघि बढिरहेको सन्दर्भमा जिल्ला प्रशासन कार्यालय सर्लाहीले राजनीतिक कार्यक्रममा सरकारी सवारी साधन प्रयोग नगर्न कडा निर्देशन दिएको छ।

सर्लाही । आगामी प्रतिनिधिसभा सदस्य निर्वाचनको प्रक्रिया चरणबद्ध रूपमा अघि बढिरहेको सन्दर्भमा जिल्ला प्रशासन कार्यालय सर्लाहीले राजनीतिक कार्यक्रममा सरकारी सवारी साधन प्रयोग नगर्न कडा निर्देशन दिएको छ।
जिल्ला प्रशासन कार्यालयले अत्यन्त जरुरी सूचना जारी गर्दै जिल्लामा शान्ति–सुरक्षा तथा अमन–चयन कायम राख्न सक्रिय राजनीतिक दल तथा दलनिकट भातृ संगठनहरूले आयोजना गर्ने राजनीतिक सभा, सम्मेलन, लगायका कार्यक्रम सञ्चालन गर्नु अघि अनिवार्य रूपमा जिल्ला प्रशासन कार्यालयलाई जानकारी गराई अनुमति लिनुपर्ने जनाएको छ।
सूचनामा राजनीतिक कार्यक्रममा आवत–जावतका क्रममा सरकारी सवारी साधन प्रयोग गर्न नपाइने स्पष्ट उल्लेख गरिएको छ। निर्वाचन आचारसंहिता उल्लङ्घन हुने कुनै पनि गतिविधि नगर्न तथा सबै सरोकारवालालाई नियमको पालना गर्न प्रशासनले आग्रह गरेको छ।
जिल्ला प्रशासन कार्यालय सर्लाहीका अनुसार आचारसंहिता पालना नगरे कानुनी कारबाही हुन सक्ने भएकाले सम्बन्धित सबै पक्षलाई सचेत रहन अनुरोध गरिएको छ।