अदालतको लेटरप्याड र दस्तखत कीर्ते गर्ने व्यक्ति पक्राउ
- काठमाडौं ।
- काठमाडौं जिल्ला अदालतको लेटरप्याड कीर्ते बनाई विभिन्न कागजात तयार गरी प्रयोग गरेको आरोपमा एक जना पक्राउ परेका छन्।
काठमाडौं । काठमाडौं जिल्ला अदालतको लेटरप्याड कीर्ते बनाई विभिन्न कागजात तयार गरी प्रयोग गरेको आरोपमा एक जना पक्राउ परेका छन्।
केन्द्रीय अनुसन्धान ब्युरो (सीआईबी) का अनुसार गोरखा आरुघाट गाउँपालिका-७ स्थायी घर भई हाल काठमाडौं जिल्ला टोखा नगरपालिका-३ बस्ने २६ वर्षीय बिबस अधिकारीलाई काठमाडौं महानगरपालिका-११ सुन्धाराबाट पक्राउ गरिएको हो।
सीआईबीका अनुसार अधिकारीले काठमाडौं जिल्ला अदालतको लेटरप्याड कीर्ते बनाई मुद्दा खोलेको तथा पुनः प्रमाणीकरण सम्बन्धी सूचना पत्र तयार गरेका थिए। साथै मुद्दाको अन्तिम निर्णय भइसकेपछि आफ्नो बैंक खातामा २ करोड १३ लाख रुपैयाँ रकम स्थानान्तरण भएको र सेवा शुल्कसम्बन्धी कागजात तयार गरी अदालतबाट १ लाख ६ हजार ५ सय रुपैयाँ सेवा शुल्क बुझाउन आदेश भएको भनी झुट्टा विवरण उल्लेख गरेका थिए।
अनुसन्धानका क्रममा उनले काठमाडौं जिल्ला अदालतको लेटरप्याड, न्यायाधीश, शाखा अधिकृतको दस्तखत तथा अदालतको छापसमेत कीर्ते गरी प्रयोगमा ल्याएको खुलेको सीआईबीले जनाएको छ।
प्रतिक्रिया
यो पनि पढौँ
यो पनि पढौँ
