चिसोबाट राहत दिन मलंगवा नगर संरक्षण तथा सुधार समितिद्वारा निःशुल्क दाउरा वितरण

मलंगवा, सर्लाही
मिति: पुष २२, २०८२
चिसो मौसमका कारण प्रभावित सर्वसाधारणलाई राहत प्रदान गर्ने उद्देश्यले मलंगवा नगर संरक्षण तथा सुधार समितिले निःशुल्क दाउरा वितरण कार्यक्रम सञ्चालन गरेको छ। समितिले मलंगवा नगरपालिकाको वडा नं. ११ र १२ अन्तर्गतका २५ वटा सार्वजनिक स्थानमा निःशुल्क दाउरा वितरण गरेको हो।
जाडो मौसम बढ्दै गएसँगै विपन्न तथा सर्वसाधारण नागरिकलाई चिसोबाट जोगाउन उक्त कार्यक्रम आयोजना गरिएको समितिले जनाएको छ। सार्वजनिक स्थानमा दाउरा वितरण गरिँदा दैनिक रूपमा आगो ताप्न आउने सर्वसाधारणलाई प्रत्यक्ष लाभ पुगेको स्थानीयवासीहरूले बताएका छन्।
समितिले आगामी दिनमा पनि यस्ता सामाजिक तथा जनहितका कार्यक्रमलाई निरन्तरता दिने प्रतिबद्धता जनाएको छ।