सर्लाहीमा आमाको नामबाट अंगीकृत नागरिकता वितरण’

खासगरी नागरिकताकै अभावमा अध्ययन, रोजगारी एवम् अन्य सरकारी तथा गैरसरकारी सेवा प्रवाहमा समस्या भोग्दै आएका व्यक्तिहरूलाई नागरिकता पाएसँगै सबै सेवा प्रवाहमा सहज पहुँच पुगेको सिडीओ कडरियाको भनाइ छ । नेपालको संविधान २०७२ जारी हुनुअघि नेपालमा जन्मका आधारमा नागरिकता पाएका नागरिकका सन्तानलाई बाबुआमा दुवै नेपाली भएको अवस्थामा वंशजको नागरिकता दिने व्यवस्था थियो । सो अवस्थामा बाबुको पहिचान नभएका नागरिकहरू नागरिकताविहीन हुँदै आएका थिए । तर संविधान प्रदत्त अधिकारलाई कार्यन्वयन गर्न सरकारले नागरिकता विधेयक जारी गरी बाबुको पहिचान नभएकालाई पनि आमाको नामबाट नागरिकता दिने व्यवस्था सुरु गरेपछि सम्बन्धित नागरिकहरू लाभान्वित भएका छन् ।